Phelh ula, kal tir rawh u
(Johana 11:44)
{ Hruaia Chawngthu }
(Johana 11:44)
{ Hruaia Chawngthu }
Pathian khawngaihna zarah kum 2011 Easter Sunday chu kan lo thleng leh ta. Lal Isua a thi a, a thawhlehna ni champhaah hian Kohhran hote tho leh kan Lalpa Isua Krista hmingin chibai ka buk a che u. Easter Sunday a nih angin kan rilruin tukin zingah hian Lal Isua thawhlehna lam kan beisei viau mai thei a, a thawhlehna cham pawh hei kum 2011 ngawt mai kan lo hmang ta. He niah hian kan thinlung hian Isua thlan te fang in, chu lamah chuan kan lung kan tilang thin nge nunna ka neihah hian kan lo lawm viau ringawt mai thin le?
Thawhlehna chu enge ni?
Thawhlehna kan tih chuan nunna nei tawh lote, neih lehna hi a ni. Amah Lal Isua ngeiin Johana 11:25-ah khan 'Thawhlehna leh Nunna' a nih thu a sawi a, chuvang chuan he leia Lal Isua lo kal chhan te zingah chuan thawhlehna nun pe turin a ni. Chu chu mihringte sual avanga Pathian atanga thi tawh te, nunna pek leh chu a tum ber a ni ta a ni.
Thawhlehna leh Nunna
Johana 11:25-ah chuan Isua'n 'Kei hi Thawhlehna leh Nunna chu ka ni' tiin a sawi a. Hei laiah hian thawhlehna leh nunna hi sawi hran a ni a. He lai changa 'thawhlehna' tihin a rawn sawi tum ber chu thihna hian amah (Isua) ringtute chungah hian thuneihna a nei tawh lova, nunna pawh hi amah atanga chhuak chatuan nunna thihnain a hneh theih tawh loh chu a ni.
He thu hi a sawi chhan chu Lazara thih thu a hriat hnuin Bethani khuaah a kal ta a. Marthi hnenah Lazara chu a tho leh dawn a ni tih thu a han sawi khan Marthi chuan nikin ni-ah chuan a la thawhleh dawn thuin a chhung a. Chutah chiah chuan Lal Isua hian engkim hi amah atanga chhuak a ni a, a thiltihtheihna hnuaiah chuan tunah pawh a tho thei a nih tih hriattir a tumna a ni.
Isuan Lazara a damlo tih thu a hriat hnuah ni hnih a awmna ngaiah a la awm cheu a, chumi hnuah chuan a zirtirte nen Judai ramah an kal leh ta a. Chutianga an awm lai chuan Lazara thih thu an rawn hrilh ta a. Isuan Bethani a thlen meuh chuan , Lazara thihna ni 4 lai a lo liam tawh a, Marthi leh Mari tan Isua thiltihtheihna rin zawh a har ta. Lazara thawhlehna chu nikin niah bak anih an ring zo ta lo. Nimahsela ni 4 paw'n thleng tlai mah se Lal Isua thiltihtheihna chu a tlai ve lo. Lazara, thlana ni 4 lai lo awm tawh chuan thlan a\anga chhuak turin thu a pe a, Lazara a lo nung leh ta! Isua'n a tuamna puan chu phelha kaltir turin thu a pe ta. Ni li paw'n tlai se a hunah a thleng a ni.
Phelh ula kal tir rawh u
Kan rilru ngaihtuahna chuan vawiin atan chuan Jerusalem lama Lal Isua thlan ruak lam a hawi ngeiin a rinawm. Nimahsela, he Lal Isua tawngkam ngei hi vawiin atan chuan I han ngaihtuah ho teh ang u.
Lazara thlan atanga a lo chhuah khan, puana tuam a ni a, (hei hi hmanlai Israel ho mitthi sawngbawl dan a ni) chu puan chu phelh sak phawt loh chuan nunna nei tawh Lazara chu a che thei lova, a kal thei bawk hek lo. Chuvang chuan Isua'n a pek a nunna chu hmang tangkai tur chuan a tuamna chu phelh a ngai ta a ni.
Enge kan tih ve tur?
Lal Isua thih leh thawhlehnaah chuan thihna atangin minung a chhiar kan lo ni leh ta. Chu nunna chu mi zawng zawng tan a ni. Vawiina Easter Sunday hi mi zawng zawng tan a ni asin. Nimahsela chung mi zawng zawng zingah chuan nunna nei tawh si, thlan tuamna puan la phelh loh avanga an nunna la hmang tangkai thei lo tam tak an la awm a, chungte phelha kaltir chu Kohhranhote tih tur a ni.
Thenkhat te chu ruihhlo ten a tuam a, thenkhatte chu eirukna leh hlemhletna te, thenkhatte chu tualthahna leh uire nate chutiang zelin kan mihring pui tam tak nunna nei tawhte zinga awm si; mahse an tuamna puan la phelh loh avanga nung anga la awm ve thei lo an awm a ni. Thawhlehna hi mi tin tan a nih ang takin he Lal Isua thawhlehna ni atang hian heng thlan tuamna puanin a la tuam te hi I phelhin, i kal tir ang u, chu chu kan Lalpa duhzawng a ni si a.
Thawhlehna kan tih chuan nunna nei tawh lote, neih lehna hi a ni. Amah Lal Isua ngeiin Johana 11:25-ah khan 'Thawhlehna leh Nunna' a nih thu a sawi a, chuvang chuan he leia Lal Isua lo kal chhan te zingah chuan thawhlehna nun pe turin a ni. Chu chu mihringte sual avanga Pathian atanga thi tawh te, nunna pek leh chu a tum ber a ni ta a ni.
Thawhlehna leh Nunna
Johana 11:25-ah chuan Isua'n 'Kei hi Thawhlehna leh Nunna chu ka ni' tiin a sawi a. Hei laiah hian thawhlehna leh nunna hi sawi hran a ni a. He lai changa 'thawhlehna' tihin a rawn sawi tum ber chu thihna hian amah (Isua) ringtute chungah hian thuneihna a nei tawh lova, nunna pawh hi amah atanga chhuak chatuan nunna thihnain a hneh theih tawh loh chu a ni.
He thu hi a sawi chhan chu Lazara thih thu a hriat hnuin Bethani khuaah a kal ta a. Marthi hnenah Lazara chu a tho leh dawn a ni tih thu a han sawi khan Marthi chuan nikin ni-ah chuan a la thawhleh dawn thuin a chhung a. Chutah chiah chuan Lal Isua hian engkim hi amah atanga chhuak a ni a, a thiltihtheihna hnuaiah chuan tunah pawh a tho thei a nih tih hriattir a tumna a ni.
Isuan Lazara a damlo tih thu a hriat hnuah ni hnih a awmna ngaiah a la awm cheu a, chumi hnuah chuan a zirtirte nen Judai ramah an kal leh ta a. Chutianga an awm lai chuan Lazara thih thu an rawn hrilh ta a. Isuan Bethani a thlen meuh chuan , Lazara thihna ni 4 lai a lo liam tawh a, Marthi leh Mari tan Isua thiltihtheihna rin zawh a har ta. Lazara thawhlehna chu nikin niah bak anih an ring zo ta lo. Nimahsela ni 4 paw'n thleng tlai mah se Lal Isua thiltihtheihna chu a tlai ve lo. Lazara, thlana ni 4 lai lo awm tawh chuan thlan a\anga chhuak turin thu a pe a, Lazara a lo nung leh ta! Isua'n a tuamna puan chu phelha kaltir turin thu a pe ta. Ni li paw'n tlai se a hunah a thleng a ni.
Phelh ula kal tir rawh u
Kan rilru ngaihtuahna chuan vawiin atan chuan Jerusalem lama Lal Isua thlan ruak lam a hawi ngeiin a rinawm. Nimahsela, he Lal Isua tawngkam ngei hi vawiin atan chuan I han ngaihtuah ho teh ang u.
Lazara thlan atanga a lo chhuah khan, puana tuam a ni a, (hei hi hmanlai Israel ho mitthi sawngbawl dan a ni) chu puan chu phelh sak phawt loh chuan nunna nei tawh Lazara chu a che thei lova, a kal thei bawk hek lo. Chuvang chuan Isua'n a pek a nunna chu hmang tangkai tur chuan a tuamna chu phelh a ngai ta a ni.
Enge kan tih ve tur?
Lal Isua thih leh thawhlehnaah chuan thihna atangin minung a chhiar kan lo ni leh ta. Chu nunna chu mi zawng zawng tan a ni. Vawiina Easter Sunday hi mi zawng zawng tan a ni asin. Nimahsela chung mi zawng zawng zingah chuan nunna nei tawh si, thlan tuamna puan la phelh loh avanga an nunna la hmang tangkai thei lo tam tak an la awm a, chungte phelha kaltir chu Kohhranhote tih tur a ni.
Thenkhat te chu ruihhlo ten a tuam a, thenkhatte chu eirukna leh hlemhletna te, thenkhatte chu tualthahna leh uire nate chutiang zelin kan mihring pui tam tak nunna nei tawhte zinga awm si; mahse an tuamna puan la phelh loh avanga nung anga la awm ve thei lo an awm a ni. Thawhlehna hi mi tin tan a nih ang takin he Lal Isua thawhlehna ni atang hian heng thlan tuamna puanin a la tuam te hi I phelhin, i kal tir ang u, chu chu kan Lalpa duhzawng a ni si a.
